L’Aeroportu di Bastia Puretta hè partenariu di Hop ! Biudiversità !
L’Associu Hop ! Biudiversità hà per scopu di valutà è di mette in valore a biudiversità di l’aeroporti, d’identificà e pratiche più bone è di fà a leia trà i sfarenti attori di l’aereu da prumove una gestione di i spazii di più naturale è di più rispettosa di a biudiversità, pigliendu in contu à tempu e custrette liate à a sfruttera, anzituttu quelle chì riguardanu a securità aerea.
Si hè assuciatu à issa dimarchja l’aeroportu di Bastia Puretta dapoi u 2016. Sò stati seguitati di modu regulare i protocolli di scenze participative dapoi ch’ellu ci hà aderitu l’aeroportu. Anu arricatu, e squadre di HOP ! Biudiversità, a so spertizia mentre e 5 visite annue ch’elle anu fattu. Eranu accumpagnate da participanti vuluntarii travagliendu à nantu à a piattaforma. In i Salotti di l’Aeroportu di Bastia, hè stata inaugurata u 23 di marzu di u 2018 a mostra è sò stati presentati i resultati riguardendu a cuncessione aeropurtuaria.
