HOP! biudiversità

L’Aeroportu di Bastia Puretta hè partenariu di Hop ! Biudiversità !

 

U nostru aeroportu di Bastia Puretta s’hè vistu attribuitu, a marca Aérobio-Livellu 1, per l’Assemblea Generale d’Aéro Biodiversité chì ghjè stata u 9 di Ferraghju di u 2023 à u Museu Naziunale di storia naturale in Parigi.

Sta marca garantisce l’investimentu è l’impegnu di a Camera di Cummerciu di Corsica è di e squadre aeroportuarie inde u sviluppu durevule è priservazione di l’ambiente.

Dapoi u 2016, l’aeroportu di Bastia Puretta hè in cullaburazione incù sta dimarchja . I prottocoli di e scenze participative sò state seguitate di modu regulare dapoi l’accordu di l’aeroportu.

In u 2021, à u livellu di a flora 197 spezie sò state usservate, per a fàuna 65 spezie d’accelli ricensati è 49 prutetti in Francia.


L’Associu Hop ! Biudiversità hà per scopu di valutà è di mette in valore a biudiversità di l’aeroporti, d’identificà e pratiche più bone è di fà a leia trà i sfarenti attori di l’aereu da prumove una gestione di i spazii di più naturale è di più rispettosa di a biudiversità, pigliendu in contu à tempu e custrette liate à a sfruttera, anzituttu quelle chì riguardanu a securità aerea.

Cumunicatu di Stampa di u 23 di marzu di u 2018 – Inaugurazione di a Mostra
Cartulare di Stampa
Discorsu di u Presidente di a CCI2B, Jean DOMINICI

Da sapè ne di più :

À truvà ci à nantu à u situ di l’Associu HOP ! Biudiversità : www.hopbiodiversite.com