Dinamizeghja l’aeroportu di Bastia Puretta a so accolta per e persone à mubilità sminuita.
Hè statu previstu à nant’à u parcheghju cummerciale un accunciamentu esteriore : sò stallati in u parcheghju cummerciale dui terminali di chjama davanti à l’aerostazione vicinu à i 7 posti di parcheghju riservati à e persone andicapate è à mubilità sminuita da pudè chjamà u prestatariu. Un terminale di chjama hè dinù stallatu in u parcheghju uffiziale vicinu à l’impiazzamenti riservati à l’ambulanze è i VSL. Vene u prestatariu à circà u passaghjeru à nantu à u locu di a chjama.
Indrentu à l’aerostazione, hè accunciatu u scagnu d’infurmazione cù un bancu calatu à posta per accoglie i passaghjeri à mubilità sminuita, face dinù da locu di accolta. Ci pudete truvà un terminale da chjamà u prestatariu. Inde a zona di partenza, si puderanu ghjuvà e persone à mubilità sminuita di i cabinetti chì si trovanu à cantu à l’infirmeria, si puderanu ancu ghjuvà di i cabinetti publichi in a zona centrale. Seranu pigliate in carica à i banchi di arrigistramentu da un persunale chì li hà da accumpagnà finu à l’aviò. Segondu u gradu di a so infirmità, seranu pruposte parechje pussibilità da avvià le finu à l’aviò : futtogliu cù e rotule, « Help » (veiculu elevatore), vitturetta…
Assistenza da u locu di presa in carica fin’à l’imbarcu
- Assistenza per u mumentu di l’arrigistramentu, per i prucedimenti di sicurezza è per e furmalità di emigrazione è duganere.
- Assistenza mentre u parcorsu ver’di a porta d’imbarcu.
- Assistenza per l’imbarcu è u sbarcu (sinu à è a parte si da a sedia di l’aviò in casu di bisognu).
- Assistenza per riguarà i bagaglii, per i prucedimenti d’immigrazione è e furmalità duganere.
- Assistenza finu à u locu duve si seguita u viaghju (parcheghju, carru, tassì, ecc.)
- Assistenza per andà in i cabinetti.
E persone à mubilità sminuita chì viaghjanu cù u so futtogliu cù e rotule (ancu i futtogli cù e rotule elettriche) o cù altri attrazzi da spiazzà si, si ne ponu ghjuvà finu à l’aviò.
Mentre a riservazione, hè impurtante di fà sapè a natura è u gradu di l’infirmità, di precisà dinù u generu di futtogliu (manuale o elettricu) s’ella pare necessaria.
Fà sapè à u vostru agente di viaghju u codice internaziunale chì currisponde à u gradu d’assistenza segondu a classifica internaziunale :
- WCH R : S’è vo vi pudete move pianu pianu, cullà e scale ma ch’è vo avete bisognu di una sedia cù e rotule per i viaghji longhi.
- WCH S : S’è vo pudete solu fà qualchì passu da a porta di l’aviò à a vostra sedia.
- WCH C : S’è vo ùn pudete fà u minimu passu, tandu sarete aiutatu longu à u viaghju.
Vi tocca à ghjunghje omancu 1 ora è mezu prima di a partenza di u volu.
Piglià cuntattu cù a cumpagnia chì assicureghja u volu per ch’è vo possite avè di più infurmazione.
