Furmalità per a Pulizza di e Fruntiere :
Carta d’identità, passaportu, visà, furmalità sanitaria, ecc…
Da ch’è vo possite varcà e fruntiere, vi abbisogna una carta d’identità o un passaportu. Per pudè andà in certi paesi, vi sarà chersu un visà. Dumandate infurmazione in un cummissariatu o in a Prefettura di u vostru dipartimentu. In quantu à e furmalità sanitarie, da cunnosce quelle à adempie, vi ci vulerà à chere rinsignamenti à u vostru duttore o à una cumpagnia aerea.
Regulamentu Aurupeu / Misure nove di sicurezza
Prima di l’arrigistramentu
Ci vole chì ogni cuntinente di 100 ml è più sia accantatu da bagagliu da sotta
Dopu l’arrigistramentu
Venenu auturizati in a cabina issi articuli :
- I liquidi, ghjeli, creme, aerusoli, pastette : cuntenuti in stuviglii di 100 ml per u più, messi in un solu saccu trasparente chjosu (cum’è i sacchetti da cunghjelazione), di una dimensione, per u più, di 20cmx20cm. Siate attenti, hè accunsentutu un solu saccu à passaghjeru.
- A robba da manghjà per i ciucci o i regimi particulari chì abbisognanu per u viaghju.
- E medicine liquide (hè ricumandatu à i passaghjeri di pussede una urdinanza)
Mentre u cuntrollu di sicurezza
- L’articuli da depone in a panera : urdinatori purtativi fora di u so stucciu, mantelli è ghjacchette, apparechji elettronichi maiò, chjave è muneta, cinte, telefunini, l’articuli da prisentà à l’agenti di sicurezza fora di u bagagliu da cabina.
- L’articuli pruibiti in a cabina : arme è ripruduzzione, trisori, lame, liquidi infiammevuli, liquidi di 100 ml è più chì ùn sò stati compri in u spaziu sottumessu à a dugana.
- I liquidi, ghjeli, creme, pastette è aerusoli di 100 ml è più :
- Compri in un spaziu publicu : venenu auturizati solu in a sotta
- Compri in un spaziu sottumessu à u cuntrollu di e dugane inde l’atri paesi : ùn sò auturizati in a cabina
- Altru restu vene auturizatu in a cabina
