CCI 2B Gestiunariu

Hè propriu l’usciu di u Cismonte da inultrà ci si è un spechju !

 

A piattaforma aeropurtuaria di Bastia Puretta, rimudernata è allargata, hè oghje l’arnese più adattu da pudè inultrà si in a regione. Di’ssa regione l’aeroportu ne assicureghja u serviziu, ne face un spaziu attrattivu è cuntribuisce à prumove u turisimu.

Bella sicura, li tuccherà à risponde à i bisogni è à i mutamenti di una pulitica di i trasporti chì cerca à sviluppà scambii è leie sicure trà a Corsica, e metropuli regiunale principale è e capitale aurupee.

Megliurà u cunfortu è a securità di i passaghjeri, aghjevulisce i so tramuti, diversificà e cunnessione trà l’isula è e rete naziunale è internaziunale. Eccu vi i principii è l’ambizione di a Camera di Cummerciu è d’Industria di Bastia è di u Cismonte.

A Camera di Cummerciu è d’Industria di Bastia è di u Cismonte gestisce l’aeroportu di Bastia Puretta. A Cullettività di Corsica ne hà u pusessu è accunsente a cuncessione di a piattaforma aeropurtuaria.

 

A CCI2B, gestiunaria, hà 4 missione di primura :

Sfruttà : fà chì ogni mezu necessariu sia messu à a dispusizione di i clienti da ch’elli pudessinu praticà e so attività in un quadru securizatu è sicuru (aerostazione, aree di manuvre, parcheghji, infurmazione per i passaghjeri, cummerci è servizii, banchi è spazii di arrigistramentu, cuntrolli di i passaghjeri è di i bagaglii da sotta.)

Investisce : accurdendu si cù e cullettività publiche è i partenarii varii, definisce a pulitica d’investimenti à mezu andà è esercità a maestria di opera.

Prumove : assudà è participà à l’allarghera di a rete di e linee regulare è charter. Cuntribuisce à a prumuzione turistica di a regione.

Cuurdunà : esercità e so cumpetenze aeropurtuarie in associu cù l’inseme di l’attori istituziunali è prufeziunali regiunali di u trasportu aereu. À fiancu à ella, u Statu ferma incaricatu di a securità è di a navigazione aerea.