L’aeroportu di Bastia Puretta dinamizeghja a so accolta per e persone in cundizione di debulezza.
Un accunciamentu esteriore ghjè statu previstu à nant’à u parcheghju cummerciale : Dui terminali di chjama sò stallati nant’à u parcheghju cummerciale davanti à l’aerostazione vicinu à e sette piazze di parcheghju riservati à e persone in situazione di debulezza per pudè chjamà u persunale sapinatu. Un terminale di chjama ghjè stallatu à u parcheghju ufficiale vicinu à l’impiazzamenti riservati à l’ambulanze è i VSL. U persunale sapinatu vene à circà u passaghjeru à nantu u locu di a chjama.
Inde l’aerostazione, un scagnu d’infurmazione accunciatu d’un bancu calatu per accoglie i passaghjeri in cundizione di debulezza ghjè dinù un locu d’accolta. Pudete truvà un terminale di chjama à u persunale sapinatu. Inde a regione di partenza, e persone in cundizione di debulezza anu à disposizione cabinetti à fiancu à l’infirmerìa è ponu ancu utilizà i cabinetti publichi in regione centrale. Seranu pigliate in carica à e banche d’arrigistramentu da una persona chì l’accumpagnerà sinu à l’aviò. Diverse pussibilità seranu pruposte per incaminassi sinu à l’aviò sicondu u gradu di a so infirmità : futtogliu cù e rote, « Help » (veiculu elevatore), vitturetta…
Assistenza da u locu di presa in carica sinu à l’imbarcu
- Assistenza da u locu d’arrigistramentu, à e procedure di sicurezza è per e furmalità d’emigrazione è di a dugana.
- Assistenza mentre u percorsu versu a porta di l’imbarcu.
- Assistenza per l’imbarcu è u sbarcu ( sinu à è à parte si da a sedia di l’aviò in casu in bisognu).
- Assistenza per piglià e valisgie, per e procedure d’immigrazione è e furmalità di a dugana.
- Assistenza sinu à u puntu induv’è si perseguita u viaghju ( parcheghju,vittoronu,tassi,ecc…).
- Assistenza per andà in i cabinetti.
E persone in cundizione di debulezza chì viaghjanu incù u so futtogliu incù e rote (ancu i futtogli elettrichi) o incù altri attracci per spiazzà si, ponu ghjuvà sinu à l’aviò.
Mentre a riservazione, hè impurtante di fà cunnosce a natura è u gradu di l’infirmità.Precisà dinù u mudellu di futtogliu (manuale o eletricu) s’ella pare necessaria.
Fà sapè à u vostru urganisatore di viaghju u codice internaziunale chì curresponde à u gradu d’assistenza, sicondu a classifica internaziunale :
- WCH R : S’è vo vi pudete move pianu pianu, cullà e scale ma ch’è vo avete bisognu di una sedia incù e rote per i tragetti longhi.
- WCH S : S’è vo pudete fà qualchì passi da a porta di l’aviò à a vostra sedia.
- WCH C : S’è ùn pudete fà passi, tandu sarete aiutati longu à u viaghju.
Vi tocca à ghjunghje o mancu un ora è mezu prima a partenza di u volu.
Piglià cuntattu incù a cumpagnia chì assicureghja u volu per avè di più infurmazione.
